Désolé, cet article est seulement disponible en LU.

Léif Guiden a Scouten,

Am Kader vun der Coronakrise bedeelege sech d´Lëtzebuerger Guiden a Scouten um Projet #YouthAgainstCOVID19 vun der UNFPA, dem UN Bevölkerungsfonds. 

An Zesummenaarbecht mat der Presentatiounssoftware PREZI an der UNFPA geet et drëms déi Jonk ze mobiliséieren a géint de COVID-19 ze kämpfen.

D´Guiden a Scouten si bereet ze hëllefen, ganz nom Motto “Eemol Scout, ëmmer Scout”. Mat dësem Projet wëllen d´LGS en Deel dozou bäidroen, d´Bevëlkerung richteg iwwert de COVID-19 z´informéieren, an alleguer d´Mythen ronderëm dëse Virus opzedecken. 

Méi Informatioune gëtt d´Anouk Galassi, Commissaire générale bei de Lëtzebuerger Guiden a Scouten, a folgendem Video:

Fir mat ze maache mellt iech w.e.gl. mat engem Mail u yacovid19@lgs.lu.

Dir kritt vun eis eng kuerz Confirmatioun a parallel kennt dir natierlech scho mat ärem Video ufänken. No an no schécke mir iech dann déi nächst Episode per Email.

Dës Aktioun riicht sech virun allem u CaraPio a RaRo. Gidd de Memberen aus äre Branchen dës Info w.e.gl. weider.

Fir d´Biber, Wëllefcher an Avex wäerte mir deemnächst eng ähnlech Aktioun am Kader vu #ScoutenDoheem lancéieren.

Hei fënns du folgend Dokumenter:

• HOW TO: Wéi erstellen ech mäin eegene Video?
• EPISODE 1 : Skript op Lëtzebuergesch
• EPISODE 2 : Skript op Lëtzebuergesch

Bei Froen oder technesche Problemer kënnt dir iech zu all Moment per Email bei eis mellen: yacovid19@lgs.lu

Mat beschte Guiden- a Scoutsgréiss,

De Verbandscomité