{"id":1125,"date":"2017-11-23T23:26:03","date_gmt":"2017-11-23T22:26:03","guid":{"rendered":"https:\/\/lgs.lu\/?page_id=1125"},"modified":"2017-11-24T08:13:52","modified_gmt":"2017-11-24T07:13:52","slug":"lgs-letzebuerger-guiden-a-scouten","status":"publish","type":"page","link":"https:\/\/lgs.lu\/en\/lgs-in-action\/lgs-letzebuerger-guiden-a-scouten\/","title":{"rendered":"LGS – L\u00ebtzebuerger Guiden a Scouten"},"content":{"rendered":"

Sorry, this entry is only available in LU<\/a>.<\/p>D\u2018L\u00ebtzebuerger Guiden a Scouten, de gr\u00e9issten edukative Jugendmouvement zu L\u00ebtzebuerg<\/strong><\/p>\n

D\u2019L\u00ebtzebuerger Guiden a Scoute kuerz LGS, bidden de Jonken eng Ofwiesslung zum Alldag a w\u00ebllen hiren Entdeckergeescht ureegen.
\nDofir maache mir esou vill w\u00e9i m\u00e9iglech Gruppenaktivit\u00e9iten dobaussen. Nom Prinzip vum \u201eLearning by Doing\u201c kr\u00e9ien d\u00e9i Jonk\u00a0 d\u2019M\u00e9iglechkeet sech kreativ a selbst\u00e4nneg un der Gestaltung vun hirem Programm ze bedeelegen.<\/p>\n

Fir Jonker ab 6 Joer<\/strong><\/p>\n

An de 5 Branchen (Altersgruppen), d\u00e9i een altersspezifesche Programm ubidden, kann all Eenzele flott Erfarunge maachen, Fr\u00ebndschafte schl\u00e9issen, sozial F\u00e4egkeete l\u00e9ieren an sech pers\u00e9inlech weider entw\u00e9ckelen. \u00cbnnert anerem l\u00e9ieren d\u00e9i Jonk d\u2019Natur ze respekt\u00e9ieren
\nan iwwer sech selwer an hiert \u00cbmfeld nozedenke fir sech sp\u00e9ider aktiv, och fir anerer, anzesetzen.<\/p>\n

D\u00e9i 5 Branchen vun den LGS:<\/strong>
\n– Biber 6-8 Joer
\n– W\u00ebllefcher 8-11 Joer
\n– AvEx 11-14 Joer
\n– CaraPio 14-17 Joer
\n– RaRo 17-23 Joer<\/p>\n

Fir mech, fir dech, fir eis, fir jiddereen<\/strong><\/p>\n

Duerch eis Prinzipie w\u00eblle mir d\u00e9i Jonk dorop virbereeden, sp\u00e9iderhi Responsabilit\u00e9it fir sech a fir anerer ze iwwerhuelen. An deem S\u00ebnn bidden eis benevole Cheffen de Jonken en oppene Kader, wou jiddereen aktiv matmaachen a matbest\u00ebmme soll.<\/p>\n

216 L\u00e4nner- 41 Millioune Scouten<\/strong><\/p>\n

Als Deel vun der Guiden- a Scoutsbeweegung, d\u00e9i op der ganzer Welt vertrueden ass, bidden d\u2019LGS d\u2019M\u00e9iglechkeet Fr\u00ebndschaften iwwer d\u2019Grenzen ewech ze schl\u00e9issen. Doriwwer eraus engag\u00e9iere mir eis a verschiddene L\u00e4nner,an Zesummenaarbecht mat eiser
\nONG \u201eL\u00ebtzebuerger Guiden a Scoute fir ENG Welt\u201c, Projete mat eise Jonken op der Platz gezielt \u00ebmzesetzen.<\/p>\n